Ադրբեջանն իրականացնում է ԼՂ-ն առանց հայերի քաղաքականություն. բարեկամ երկրների լռությունը տարօրինակ է
«Ադրբեջանի կողմից իր իսկ ստանձնած գրավոր պարտավորությունների խրոնիկ խախտումները միջազգային պատշաճ գնաահատականի արժանացնելը պետք է մեր հիմնական հավաքական աշխատանքը լինի. մեր դիվանագիտական ծառայությունը, խորհրդարանական դիվանագիտությունը կառավարող ուժը, հասարակական կազմակերպությունները, սփյուռքի ներկայացուցիչները, արտաքին կապեր ունեցող ֆիզիկական և իրավաբանական անձինք, սոցիալական ցանցերի օգտատերերը պետք է իրենց լուման ներդնեն ի ցույց դնելու, որ Ադրբեջանի կողմից 2020 թվականի եռակողմ հայտարարության խախտումները Լեռնային Ղարաբաղը ցեղասպանության կամ հայրենազրկման նպատակ ունեն։
Ադրբեջանը շարունակաբար իրականացնում է ԼՂ-ն առանց հայերի քաղաքականությունը, և մենք ամեն ինչ պետք է անենք, որ այս քաղաքականությունը պատշաճ միջազգային գնահատականի արժանանա»,- դեկտեմբերի 15-ի Կառավարության նիստում հայտարարեց Նիկոլ Փաշինյանը, միևնույն ժամանակ շնորհակալություն հայտնելով այն երկրներին, որոնք արձագանքել են Լաչինի միջանցքի փակմանը։
«Տարօրինակ է մի շարք բարեկամ երկրների լռությունն այս առումով»,- հավելեց Փաշինյանը։
Մանրամասները՝ տեսանյութում
