Սննդաբանները խոսել են սնկերի անսպասելի օգտակար հատկությունների մասին

Սունկը հարուստ է սրտի աշխատանքի համար անհրաժեշտ կալիումով, B խմբի վիտամիններով, բացի այդ, շամպինիոնն օգտակար է ճարպակալման դեպքում, ասում են Յարոսլավլի «РЖД-Медицина» կլինիկայի սննդաբան Մարիա Լեբեդևան և սննդաբան Քրիստինա Պլոտնիկովան։ Նրանք Lente.ru-ին պատմել են սնկերի անսպասելի օգտակար հատկությունների մասին։

Դիետոլոգների կարծիքով՝ սնկերն օգնում են դիվերսիֆիկացնել սննդակարգը և հարստացնել այն սննդարար նյութերով և կենսաբանական ակտիվ նյութերով։ Օրինակ, վիտամին D-ն ազդում է կալցիումի կլանման և ոսկորների առողջության վրա, իսկ B խմբի վիտամիններն անհրաժեշտ են էներգիան պահպանելու համար, ասել է Լեբեդևան։

Նա հավելել է, որ սնկի մեջ պարունակվող նախաբիոտիկները խթանում են աղիներում օգտակար միկրոֆլորայի աճը և ամրացնում իմունիտետը:

Սնկերի սպիտակուցները հարուստ են լիզինով, թրեոնինով, լեյցինով, տրիպտոֆանով և այլ ամինաթթուներով, որոնք քիչ են բուսական մթերքներում։ Պլոտնիկովան նաև ուշադրություն է հրավիրել այն փաստի վրա, որ սնկերը նվազեցնում են «վատ» խոլեստերինի մակարդակը բջջանյութի պարունակության շնորհիվ, որը միաժամանակ օգնում է կարգավորել արյան մեջ շաքարի մակարդակը։

Պատրաստեց Անի Գաբուզյանը

Լուսանկարը՝ Westend61/Getty Images