«Ուզում ենք խաղաղություն մեր հայրենիքում, մեր երեխաների համար». խաղաղ հավաք Ստեփանակերտում
Արցախում տեղի ունեցողն այսօր հումանիտար աղետ է: Ադրբեջանի կողմից գազի մատակարարման խափանումը աննախադեպ ցուրտ եղանակային պայմաններում ոչ այլ ինչ է, քան ահաբեկչություն Արցախի խաղաղ բնակչության նկատմամբ։ Այս ուղերձով են այսօր Արցախի կանայք` երեխաների հետ միասին մասնակցում Ստեփանակերտի մանկական հիվանդանոցի մոտ կազմակերպված խաղաղ հավաքին:
Նպատակն աշխարհին ցույց տալն է, որ արցախցին կա ու ուզում է խաղաղություն իր հայրենիքում՝ իր երեխաների համար։
«Հայրենիքում ապրելու իրավունքի համար արցախցին պայքարում է բոլոր հնարավոր միջոցներով, և այս պահին ձայնը լսելի դարձնելու լավագույն միջոցը խաղաղ հավաքն է»,- նշում են հավաքի կազմակերպիչները։
