Արմեն Գիչյանն իմ խնդրանքով է հեռացել. ես չգիտեմ՝ ինքը պատրաստ էր աշխատել, թե ոչ, բայց ես խնդրել եմ իրեն հեռանալ․ Ալեն Սիմոնյան․ parliamentmonitoring.am
Իմ խնդրանքով է Արմեն Գիչյանը հեռացել. ես չգիտեմ՝ ինքը պատրաստ էր աշխատել, թե ոչ, բայց ես խնդրել եմ իրեն հեռանալ: Այս մասին parliamentmonitoring.am-ին տված հարցազրույցում նշել է ԱԺ նախագահ, ՀՀ նախագահի լիազորությունները կատարող Ալեն Սիմոնյանը՝ անդրադառնալով ՀՀ նախագահի խորհրդական Արմեն Գիչյանին ազատելուն:
Հարցին, թե դուք Գիչյանին խնդրեցիք հեռանալ, որովհետև ինքը ձեր թիմի՞ց չէր, վստահության խնդի՞ր կար, Ալեն Սիմոնյանը պատասխանել է. «Ո՛չ։ Մենք քննարկել ենք պատճառը, և պատճառը բոլորովին դա չէր: Գտնում եմ՝ ճիշտ չէ բարձրաձայնելը: Առաջին օրը եղած մի իրադարձության հետ է կապված»:
Ինչ վերաբերում է նրան, որ ԱԺ-ում իր օգնական Դավիթ Առաքելյանը նշանակվել է Նախագահի աշխատակազմի ղեկավար, Ալեն Սիմոնյանն ասաց. «Դավիթ Առաքելյանն ինձ հետ վերադառնալու է Ազգային ժողով: Ես մեծ մասամբ այստեղ ոչ մեկին չեմ ճանաչում, և, բնական է, պետք է կարողանամ վերահսկել 100-ից ավելի աշխատակից ունեցող անձնակազմին, պետք է տեղեկացված լինեմ ամեն ինչից։ Այստեղ ինձ կօգնի իմ օգնականը, և լիազորությունների ավարտից հետո ինձ հետ կվերադառնա ԱԺ: Միաժամանակ, ես առաջին օրը հայտարարել եմ, որ այս ժամանակահատվածում շատ քիչ տեղաշարժեր պետք է ինձ թույլ տամ, որպեսզի նոր ընտրված Նախագահն ինքը որոշի, թե ինչ գործողություններ անի»:
Ամբողջությամբ՝ սկզբնաղբյուր կայքում:
