«Գերագույն գլխավոր դավաճանը կրկին խիստ վտանգավոր հայտարարություն է անում»․ Վարդան Ոսկանյան
Վարդան Ոսկանյանը ֆեյսբուքյան իր էջում գրում է․ «Գերագույն գլխավոր դավաճանը կրկին խիստ վտանգավոր հայտարարություն է անում՝ այս պահին լոկ իր «վարկանիշը» պահելու և արդարացի բողոքը նվազեցնելու նպատակով խոսելով Հայաստանի միջազգայնորեն ճանաչված սահմանների մասին, որոնց տակ հասկանում է Հայաստան-Ադրբեջան խորհրդային նախկին սահմանը։
Այս վտանգավոր մոտեցումը թշնամու համար դուռ է բացում արծարծելու նաև խորհրդային ժամանակահատվածի, այսպես կոչված, ադրբեջանական արտատարածքային միավորների՝ այդ թվում հատկապես Տիգրանաշենի (նախկինում Քարքիի) հարցը, որտեղով անցնում է Սյունիքը մնացյալ Հայաստանին և Հայաստանը Իրանին կապող ռազմավարական նշանակության ճանապարհը։
#խեղկատակը»։
