Ստեփանակերտում և Շուշի-Լիսագոր հատվածում մեկ օրում ականազերծվել է 4 հեկտար տարածք, 1 կմ ճանապարհ․ ոչնչացվել է 17 պայթյունավտանգ առարկա․ ՌԴ ՊՆ
ՌԴ խաղաղապահ ուժերը Լեռնային Ղարաբաղում շարունակում են իրավիճակի շուրջօրյա հսկողություն իրականացնել: Բոլոր դիտակետերից տվյալներ ստանալու համար տեղադրվել են տեսաձայնագրման շարժական համակարգեր: Հրադադարի ռեժիմի պահպանումը վերահսկվում է շփման գծի ողջ երկայնքով: Yerkir.am-ի հաղոդմամբ՝ այս մասին հայտարարել է ՌԴ ՊՆ ներկայացուցիչ, գեներալ- մայոր Իգոր Կոնաշենկովը.
Ռուս խաղաղապահներն ապահովում են արցախցիների անվտանգ վերադարձն իրենց բնակավայրեր, ցուցաբերվում է հումանիտար օգնություն, վերականգնվում են քաղաքացիական ենթակառուցվածքները:
Ականազերծման աշխատանքները շարունակվում են Ստեփանակերտում և Շուշի-Լիսագոր հատվածում: Վերջին մեկ օրում ականազերծվել է 4 հեկտար տարածք, 1 կմ ճանապարհ, հայտնաբերվել և ոչնչացվել է 17 պայթյունավտանգ առարկա:
Ընդհանուր առմամբ Լեռնային Ղարաբաղում ականազերծվել է 38 հեկտար տարածք, ավելի քան 12կմ ճանապարհ, 117 տուն և սոցիալական կառույց: Հայտնաբերվել և ոչնչացվել է 1100 պայթյունավտանգ առարկա:
Ռուս խաղաղապահների և Կարմիր խաչի միջազգային կոմիտեի աջակցությամբ շարունակվում են դիերի որոնումները:
