«Մի տեսանելի տեղում տատու արա, որ հիշես, Նիկո՛լ». Աշոտյան

Արմեն Աշոտյանը ֆեյսբուքյան իր էջում գրում է. «Ի՞նչ է նշանակում՝ «մի կաշկանդեք մեզ բանակցային սեղանի շուրջ», Նիկո՛լ։

Ուրեմն դու համառորեն խուսափես հրապարակավ հայտարարել, որ բացառում ես Արցախյան խնդրի փուլային տարբերակը, դու երբեւէ չհայտարարես, որ Արցախը չի լինելիւ Ադրբեջանի կազմում, մեզ էլ ասես՝ «չկաշկանդե՞ք»։

Մեր թողած բանակցային ժառանգությանն անուն կպցնես ու հրաժարվես, սակայն ինքդ դիվանագիտական ճակատում որեւէ ձեռքբերում, արդյունք չգրանցես ու փլուզես մեր բանակցային դիրքերը, մեզ էլ ասես «չկաշկանդե՞ք»։

Ուրեմն մի տեսանելի տեղում տատու արա, որ հիշես։

Արցախի հարցով ցանկացած ոչ հայանպաստ լուծում տալու փորձերդ ժողովուրդը ոչ միայն կաշկանդելու է, այլեւ հեռացնի քեզ իշխանությունից»։