«Մենք որոշեցինք հանել երեք հոգուց ոչ ավելի հավաքվելու արգելքը, այդ թվում` բաց տարածքում». Գեորգի Գախարիա
Վրաստանի կառավարությունը որոշում է կայացրել հանել երեք հոգուց ոչ ավելի հավաքվելու վերաբերյալ սահմանափակումը և վերաբացել կորոնավիրուսի հետևանքով փակված գեղեցկության սրահները:
Այս մասին տեղեկացնում է «ՌԻԱ Նովոստի»-ն: Վրաստանի վարչապետ Գեորգի Գախարիան մանրամասներ է ներկայացրել կառավարությաննիստին:
«Մենք որոշեցինք հանել երեք հոգուց ոչ ավելի հավաքվելու արգելքը, այդ թվում` բաց տարածքում»,-ասել է Գախարիան՝ ավելացնելով, որ դեռ ուժի մեջ է մնում այն սահմանափակումը, ըստ որի ավտոմեքենայում վարորդի հետ պետք է չլինի 3 հոգուց ավելի մարդ: Նաև որոշում է կայացվել մայիսի 18-ին բացել բոլոր գեղեցկության սրահները:
