«Ֆուտբոլը բոլորովին այլ կլինի կորոնավիրուսից հետո. մենք կդառնանք ավելի մարդկային». Ինֆանտինո
ՖԻՖԱ-ի նախագահ Ջաննի Ինֆանտինոն կիսվել է ֆուտբոլի վրա կորոնավիրուսի թողած ազդեցության մասին իր կարծիքով:
«Ֆուտբոլը կվերադառնա, և, երբ դա տեղի ունենա, մենք միասին կնշենք այն, որ մղձավանջն անցյալում է:
Բայց և դուք, և ես պետք է մի դաս սովորենք. կորոնավիրուսից հետո ֆուտբոլն ամբողջովին այլ կլինի:
Այն կդառնա ավելի սոցիալական, ավելի միավորող և ավելի կարեկից: Այն կապված կլինի առանձին երկրների հետ և միևնույն ժամանակ կդառնա ավելի գլոբալ, պակաս ամբարտավան և ավելի բարյացակամ:
Մենք կդառնանք ավելի լավը, ավելի մարդկային և ավելի ուշադիր իրական արժեքների նկատմամբ»,- Ինֆանտինոյին է մեջբերում Reuters-ը:
Պատրաստեց Անի Գաբուզյանը
