08.30-ի դրությամբ 286 քաղաքացու նկատմամբ արձանագրություն է կազմվել, ևս 60 քաղաքացի բերման է ենթարկվել. ոստիկանապետ
![](https://168.am/wp-content/uploads/2020/03/20050_b.jpg)
Մինչև կառավարության այսօրվա նիստի օրակարգին անցնելը Ոստիկանապետ Արման Սարգսյանը ներկայացրեց ազատ տեղաշարժման սահմանափակման խախտումների, այլ կերպ ասած Վարչական իրավախախտումների վերաբերյալ օրենսգրքի 182.3 հոդվածի հատկանիշներով հայտնաբերված իրավախախտումների վերաբերյալ տեղեկությունները։
«Այսօր 08.30-ի դրությամբ արդեն իսկ հանրապետությունում կազմվել է 286 արձանագրություն, և ընդհանուր առմամաբ բերման է ենթարկվել 60 քաղաքացի, որոնց նկատմամբ նույնպես տարածքային ստորաբաժանումներում կազմվել են նմանատիպ արձանագրություններ»,-ասաց Արման Սարգսյանը:
Ոստիկանապետի փոխանցմամբ՝ նշված ժամանակահատվածի տվյալներով 685 տրանսպորտային միջոց երթևեկել են երկուսից ավել ուղևորով՝ ներառյալ վարորդը, նրանք զգուշացվել են: Իսկ 9 ուղևորափոխադրող տրանսպորտային միջոցի վարորդի նկատմամբ կազմվել են վարչական իրավախախտումների վերաբերյալ արձանագրություններ՝ սահմանվածից ավելի ուղևոր տեղափոխելու համար: