«Նորք» ինֆեկցիոն հիվանդանոցում գործում է հոգեբանական ծառայություն
Կորոնավիրուսային հիվանդության իրավիճակով պայմանավորված՝ «Նորք» ինֆեկցիոն կլինիկական հիվանդանոցում մարտի 16-ից կազմավորվել և գործում է հոգեբանական ծառայություն: Այս մասին հիվանդանոցը տեղեկություն է հրապարակել «Ֆեյսբուք» սոցիալական ցանցի էջում:
«Հոգեբանական աջակցություն և խորհրդատվություն է տրամադրվում պացիենտներին, նրանց հարազատներին և բուժանձնակազմին: Հոգեբանական ծառայություն մասնագետները իրականացնելու են իրենց ծառայությունը ընդունարանում և բաժանմունքներում: Գործում է նաև շուրջօրյա առցանց, հեռախոսային հոգեբանական աջակցություն և խորհրդատվություն «Նորք» ինֆեկցիոն կլինիկական հիվանդանոցի հոգեբանների կողմից, որի համար կարող եք զանգահարել` +37433340110, +37491042914 (WhatsApp, Viber) հեռախոսահամարներով»,-ասված է հաղորդագրության մեջ:
