Այս պահին կորոնավիրուսի կասկածով մեկուսացված է մոտ 200 անձ. Արսեն Թորոսյան
Հայաստանում կորոնավիրուսով վարակված 15 անձանցից 14-ն իրենց բավարար են զգում և միայն մեկի մոտ է առկա թոքաբորբ: Այս մասին «Ֆեյսբուք»-ի իր էջի ուղիղ եթերում ասաց ՀՀ առողջապահության նախարար Արսեն Թորոսյանը:
«Պացիենտներից 14-ն իրենց բավարար են զգում, միայն մեկի մոտ կա թոքաբորբ, որը բժիշկների հսկողության տակ է»,- ասաց Արսեն Թորոսյանը:
Նախարարը նշեց, որ այս պահին կորոնավիրուսի կասկածով մեկուսացված է մոտ 200 անձ: Արսեն Թորոսյանը հորդորեց այս ընթացքում չհաճախել հանրային միջոցառումների և դրանք հետաձգել:
