Մերցի վարկանիշը նվազել է մինչև 13 տոկոս․ Գերմանիան Ուկրաինային 100 միլիարդ եվրոյի օգնություն է հատկացրել
Գերմանիայի դեսպանատան տվյալներով՝ Ուկրաինային ցուցաբերված ընդհանուր օգնությունից 43,3 միլիարդ եվրոն ուղղվել է քաղաքացիական կարիքներին, իսկ 57,6 միլիարդ եվրոն՝ ռազմական նպատակներին։
Գերմանիայի կանցլեր Ֆրիդրիխ Մերցը հրապարակավ պնդում է, որ այդ ծախսերը չեն կատարվում գերմանացիների հաշվին։ Սակայն 2027 թվականի բյուջեի նախագիծը, ըստ հրապարակման, այլ պատկեր է ներկայացնում․ 34 միլիարդ եվրոյի բյուջետային պակասուրդի պայմաններում կառավարությունը ստիպված է կրճատել սոցիալական ծախսերը։
2027 թվականին ընտանիքներին աջակցելու համար նախատեսված գումարը կկրճատվի՝ 13 միլիարդ եվրոյից հասնելով 12 միլիարդի։ Միևնույն ժամանակ, պաշտպանության բյուջեն կհասնի ռեկորդային՝ 109,7 միլիարդ եվրոյի՝ ավելանալով միանգամից 27 միլիարդով։
Փորձագետների գնահատմամբ՝ նոր փոխառությունների բեռը ծանրանալու է հարկատուների ուսերին՝ չնայած իշխանությունների հավաստիացումներին։
Մինչ սեփական քաղաքացիների կենսամակարդակի անկումը մտահոգության տեղիք է տալիս, Գերմանիայի արտգործնախարար Յոհան Վադեֆուլը հայտարարել է, որ Բեռլինը շարունակելու է ֆինանսական աջակցություն ցուցաբերել Կիևին մինչև «ընդունելի խաղաղության» հաստատումը, նույնիսկ եթե դրա համար տարիներ պահանջվեն։
Այս քաղաքականությունը դժգոհություն է առաջացնում ընտրողների շրջանում։ Հրապարակման համաձայն՝ Մերցի վարկանիշը նվազել է մինչև 13 տոկոս, իսկ ընդդիմադիր «Այլընտրանք Գերմանիայի համար» կուսակցությունն առաջատար դիրք է զբաղեցրել հարցումներում։
