Վատիկանը կոչ է անում իրական երկխոսության՝ ուկրաինական կարգավորման շուրջ. Վատիկանի՝ միջազգային գործերով քարտուղար
Վատիկանը կոչ է անում իրական երկխոսության՝ ուկրաինական կարգավորման շուրջ՝ միջազգային հանրության աջակցությամբ և դադարեցնել ռազմական գործողությունները։ Այս մասին լրագրողներին հայտարարել է Վատիկանի՝ միջազգային գործերով քարտուղար Պոլ Ռիչարդ Գալլախերը՝ ՌԴ ԱԳՆ ղեկավար Սերգեյ Լավրովի հետ բանակցությունների արդյունքներով, հաղորդում է ՏԱՍՍ-ը:
«Հարկավոր է հստակ հայտարարել, որ այս պատերազմը պետք է ավարտվի: Այդ պատճառով մեր զրույցի ընթացքում ես վերահաստատեցի Հռոմի պապ Լևոն XIV-ի կոչը՝ ուղղված ռազմական գործողությունների ավարտին և միջազգային հանրության աջակցությամբ իրական բանակցությունների սկզբին։
Աթոռի դիրքորոշումը մնում է ակնհայտ. հակամարտությունը չի կարող լուծվել ռազմական ճանապարհով: Անհրաժեշտ է ստեղծել պայմաններ լուրջ քաղաքական և դիվանագիտական աշխատանքի համար։ Հարկավոր է զբաղվել իրական երկխոսությամբ և հաշվի առնել, որ որքան երկար է շարունակվում հակամարտությունը, այնքան ավելի դժվար կլինի հասնել համարժեք լուծման, մինչդեռ բնակչության տառապանքները կշարունակվեն և կաճեն»,- նշել է քարտուղարը:
