Հոգեբույժը նշել է դեպրեսիայի առաջին նշանները
Անքնությունը կամ մշտական քնկոտությունը հաճախ դեպրեսիայի կամ թաքնված հոգեբանական տրավմայի առաջին նշաններն են: Այս մասին Lenta.ru առցանց հրատարակության հետ զրույցում հայտարարել է հոգեկան առողջության «Аксона» կլինիկայի հոգեբույժ Եվգենի Դիկարևը։
«Անքնությունը կամ մշտական քնկոտությունը, ինչպես նաև քաշի արագ կորուստը կամ, ընդհակառակը, քաշի ավելացումը առանց ակնհայտ պատճառի, հաճախ դեպրեսիայի, տագնապային խանգարման, գերհոգնածության կամ թաքնված հոգեբանական տրավմայի առաջին նշաններն են»,- գրում է հրատարակությունը՝ հղում անելով Դիկարևին։
Դիկարևը բացատրել է, որ երբ ուղեղը գերբեռնված է անհանգստությամբ, այն չի կարող լիովին անցնել հանգստի ռեժիմի։ Սա հանգեցնում է ֆիզիկական հյուծման և, որպես հետևանք, լիարժեք տագնապային-դեպրեսիվ խանգարման զարգացման, նշել է մասնագետը։
