Բաքվում պահվող Վագիֆ Խաչատրյանը հոսպիտալացվել է
Ադրբեջանական լրատվամիջոցները հայտնում են, որ Բաքվում 15 տարվա ազատազրկման դատապարտված Վագիֆ Խաչատրյանը հոսպիտալացվել է Արդարադատության նախարարության ենթակայության տակ գտնվող բուժհաստատությունում:
Դեկտեմբերի 22-ին նրա ինքնազգացողությունը վատացել է, սրտի շրջանում ցավեր է ունեցել, շնչարգելություն:
Ըստ ադրբեջանական աղբյուրների, ներկա դրությամբ նրա վիճակը գնահատվում է ծանր, ինտենսիվ թերապիան շարունակվում է:
Նշենք, որ ինչպես 168.am-ի հետ զրույցում հայտնել էր Վագիֆ Խաչատրյանի դուստրը՝ Վերա Խաչատրյանը, հայրն իրենց զանգել է դեկտեմբերի 19-ին:
