Կրեմլն ԱՄՆ-ի ծրագիրն Ուկրաինայի վերաբերյալ համարում է բովանդակալից
Կրեմլը հետևում է Աբու Դաբիում Ռուսաստանի և ԱՄՆ ներկայացուցիչների հանդիպման վերաբերյալ տեղեկատվությանը, սակայն դեռևս նորություններ չկան․ հայտարարել է Կրեմլի խոսնակ Դմիտրի Պեսկովը։
Նրա խոսքով՝ Ռուսաստանն ԱՄՆ-ի ծրագիրն Ուկրաինայի վերաբերյալ համարում է բովանդակալից։
Պեսկովն ընդգծել է, որ անվտանգության ճարտարապետության քննարկումներն առանց եվրոպացիների մասնակցության անհնար է, և որոշ պահի դրանք անհրաժեշտ կլինեն։ Նա նշել է, որ Ռուսաստանը շահագրգռված է իր նպատակներին հասնել քաղաքական և դիվանագիտական միջոցներով։
Կրեմլի խոսնակը հավելել է, որ ԱՄՆ-ն և Ուկրաինան աշխատում են խաղաղության ծրագրի վրա, որը ներկայացվել է Ռուսաստանին։ Նա նշել է, որ ծրագիրը մեծապես համապատասխանում է Անքորիջի գագաթնաժողովի ոգուն։ ԱՄՆ նախագահ Դոնալդ Թրամփի՝ Ուկրաինայի հարցում կարգավորման ծրագիրը կարող է շատ լավ հիմք հանդիսանալ բանակցությունների համար։
Պեսկովը նաև նշել է, որ Մոսկվան չի ստացել Ուկրաինայի վերաբերյալ թարմացված 19 կետանոց խաղաղության ծրագիր։
