Ջեք Նիկոլսոնի թոռը մեղադրվում է ընտանեկան բռնության մեջ
Հայտնի դերասան Ջեք Նիկոլսոնի թոռը՝ դիջեյ Շոն Նորֆլիթը, ձերբակալվել է կնոջը ծեծելու մեղադրանքով: The US Sun-ի հաղորդմամբ՝ այս մասին հայտնել է Լոս Անջելեսի ոստիկանությունը։
Մի քանի ժամ տևած հարցաքննությունից հետո Նորֆլիթը ազատ է արձակվել 50,000 դոլար գրավի դիմաց։ Գործի վերաբերյալ լսումները նշանակված են օգոստոսի 28-ին։ Տուժածի ինքնությունը, ինչպես նաև միջադեպի մանրամասները չեն բացահայտվել։
Մեղավոր ճանաչվելու դեպքում 29-ամյա տղամարդուն սպառնում է չորս տարվա ազատազրկում։
