Ռուսաստանցի մեր գործընկերները ՌԴ-ում հենման կետ չգտնելով, այլ տեղում են ման գալիս. Վահան Կոստանյան
ՀՀ ԱԳ փոխնախարար Վահան Կոստանյանի համար դժվար է մեկնաբանել ՌԴ ԱԳՆ պաշտոնական ներկայացուցիչ Մարիա Զախարովայի հայտարարությունները։
«Դրանք մեկնաբանելու համար այս կամ այն անձի մեդիագրագիտության վերաբերյալ պետք է գնահատական տամ, այնուամենայնիվ, Հայաստանի ու Ռուսաստանի միջև կան բարեկամական ու դաշնակցային հարաբերություններ, դրա համար թույլ տվեք զերծ մնալ»,- լրագրողների հետ զրույցում ասաց նա։
Կոստանյանը հիշեց հայտնի խոսքերից մեկը. «Տվեք ինձ հենման կետ, և ես շուռ կտամ աշխարհը»։
«Կարծես, ռուսաստանցի մեր գործընկերները, հենման կետ չգտնելով Ռուսաստանում, այլ տեղեր են ման գալիս, բնականաբար, Հայաստան-Ռուսաստան բարեկամական հարաբերությունների պարագայում հենման կետի տրամադրում մենք կարող ենք քննարկել, բայց ցանկալի չէ»,- հավելեց նա։
