Հայաստանը հրաձգության աշխարհի գավաթին կմասնակցի երկու մարզիկով
Հայաստանի հրաձգության հավաքականն աշխարհի գավաթի խաղարկության հերթական փուլին կմասնակցի երկու մարզիկով:
Այս մասին հայտնում է Հայաստանի հրաձգության ֆեդերացիան:
Հունիսի 8-ից 15-ը Գերմանիայի Մյունխեն քաղաքում կանցկացվի աշխարհի գավաթի խաղարկության երրորդ փուլը։
Մրցմանը կմասնակցեն 73 երկրի ավելի քան 650 հրաձիգներ։
Հայաստանը մրցաշարում կներկայացնեն հավաքականի անդամներ Բենիկ Խլղաթյանն ու Էլմիրա Կարապետյանը։ Նրանք կմեկնեն մրցավայր հավաքականի գլխավոր մարզիչ Սեյրան Նիկողոսյանի գլխավորությամբ։
