
Դարչինը, որպես անվտանգ միջոց, պարկինսոնիզմի դեմ պայքարում

Ռաշ Համալսարանի բուժկենտրոնի գիտնականները բացահայտել են, որ սովորական դարչինը օժտված է մի շարք հատկություններով: Այն արգելակում է Պարկինսոնիզմին բնորոշ բիոմեխանիկական, բջջային և անատոմիական փոփոխությունները, ըստ doctors.am-ի՝ գրում է Ani News-ը:
Ինչպես ցույց է տվել հետազոտությունը, դարչինն էնտերալ ձևով ընդունելու դեպքում այն նյութափոխանակության արդյունքում վեր է ածվում նատրիումի բենզոատի: Այս միացությունը թափանցում է գլխուղեղ և կանգնեցնում է պաշտպանողական ֆունկցիա կատարող Parkin և DJ-1 սպիտակուցների քայքայումը, նորմալ մակարդակի է բերում նյարդահաղորդիչները և բարելավում հիվանդ կրծողների շարժունակությունը:
Պրոֆեսոր նյարդաբան Ֆլոյդ Դեվիսի խոսքերով՝ դարչինը կարող է դառնալ հիվանդության պրոգրեսի դանդաղեցման ամենաանվնաս միջոցներից մեկը:
Իրենց հերթին Կալիֆորնիայի համալսարանի աշխատակիցներն ապացուցել են, որ դարչինի բաղադրամասերից ալդեհիդը և էպիկատեխինը արգելակում են Ալցհեյմերի հիվանդության հետ կապված՝ վնասակար տաու-սպիտակուցի կուտակումը գլխուղեղում: