Հութիները կրկին հայտարարել են ամերիկյան ավիակրին հարվածի մասին
Եմենի ընդդիմադիր «Անսար Ալլահ» շարժումը հայտարարել է Կարմիր ծովում նավերի, այդ թվում՝ ամերիկյան USS Harry Truman ավիակրի վրա հարձակումների մասին։ ԱՄՆ իշխանությունները չեն մեկնաբանել հայտարարությունը։
«Հրթիռային ուժերը, օդային ուժերը և անօդաչու համակարգերի ուժերը մի քանի ժամ շարունակ ռազմածովային ուժերի հետ միասին բախումներ են ունեցել Կարմիր ծովի հյուսիսում գտնվող ռազմանավերի հետ», – ասել է Հութիի խոսնակ Յահյա Սարիան Al Masirah հեռուստաալիքի եթերում: Նա պարզաբանել է, որ հարվածները հասցվել են թևավոր հրթիռներով և անօդաչու սարքերով։
Շարժումը վերջին անգամ հայտարարել է, որ հարվածել է USS Harry Truman ավիակրին ապրիլի 5-ին: Հութիների ներկայացուցչի խոսքով, հարձակման են ենթարկվել նաև Իսրայելի տարածքում գտնվող ռազմական օբյեկտները: ԱՄՆ-ն և Իսրայելը չեն մեկնաբանել հարվածները։
