Եվրոպան պետք է 3-5 տարի անց լիովին ապահովի իր պաշտպանությունը. Դանիայի վարչապետ
Եվրոպայի համար չափազանց կարևոր է առաջիկա 3-5 տարում լիակատար ինքնաբավության անցնել պաշտպանության հարցերում։ Այդ կարծիքն է հայտնել Դանիայի վարչապետ Մետե Ֆրեդերիկսենը։
«Ես լիովին կողմ եմ Եվրոպայի վերազինմանը, և ցանկանում եմ, որ մենք մեր առջև շատ հավակնոտ նպատակ դնենք. 3-5 տարի անց մենք պետք է լիովին պատրաստ լինենք պաշտպանելու մեզ Եվրոպայում», – հայտարարել է նա եվրոպական Politico հրատարակությանը տված հարցազրույցում։
Դանիայի կառավարության ղեկավարը նաև նշել է, որ ԵՄ երկրներում վերազինումն ընթանում է ոչ բավականաչափ արագ։ Նրա խոսքով՝ Եվրամիությունը դեռևս հետևում է խաղաղ ժամանակի մտածողությանը, և անհրաժեշտ է հնարավորինս արագ փոխել և վերացնել որոշ արգելքներ միավորման պաշտպանական ոլորտի ֆինանսավորման ավելացման ճանապարհին:
