Բժիշկը ցրել է մրգեր ուտելու մասին միֆը
Դիետոլոգ և սննդաբան Աննա Բելոուսովան ասել է, որ առողջ մարդը կարող է միրգ ուտել օրվա ցանկացած ժամի։ Մասնագետը ցրել է այն դատարկ ստամոքսին օգտագործելու վտանգների մասին միֆը։
Նրա խոսքով, առողջ մարդը կարող է ցանկացած պահի միրգ ուտել՝ դատարկ ստամոքսին, ուտելուց առաջ և հետո։ Բացառություն են կազմում արքայախնձորները։
«Դրանք այս դեպքում կարող են գրգռել ստամոքսի լորձաթաղանթը: Արքայախնձորն ունի շատ ֆերմենտներ, որոնք քայքայում են սպիտակուցները, ուստի լավ է այն ուտել հիմնական կերակուրի ընթացքում կամ հետո. այն օգնում է մարսողությանը»,- ասել է նա:
Ստամոքս-աղիքային տրակտի, տասներկումատնյա աղիքի կամ բարակ աղիքի հիվանդությունների սրման դեպքում պետք է սննդակարգից բացառել մրգերը։ Նման դեպքերում շատ նուրբ դիետա է պահանջվում, ըստ shantnews-ի՝ նշել է Բելոուսովան։
«Նաև բարձր թթվայնությամբ գաստրիտ կամ պեպտիկ խոց ունեցողներին խորհուրդ չէի տա դատարկ ստամոքսին ուտել թթու մրգեր և հատապտուղներ, ինչպիսիք են լոռամիրգը, չիչխանը, չհասած մանդարինները և, իհարկե, արքայախնձորը»,- հավելել է մասնագետը։
Եթե դուք ունեք բարձր թթվայնություն, ապա բանանը պետք է օգտագործել դատարկ ստամոքսին, քանի որ այն օսլա պարունակող մթերք է, որը գործում է որպես բուֆեր և թուլացնում է ավելորդ թթվայնությունը, եզրափակել է սննդաբանը։
