Նշվել է պարզ դիետա, որը նվազեցնում է քաղցկեղի առաջացման ռիսկը
Կան բազմաթիվ ապացույցներ, որ սննդակարգը ազդում է քաղցկեղի բոլոր տեսակների վրա, ասել է բժիշկ և Լոնդոնի Իմպերիալ քոլեջի գիտաշխատող Ֆեդերիկա Ամատին։ Նա Daily Mail-ի հետ զրույցում պատմել է մի պարզ սննդակարգի մասին, որը կարող է օգնել նվազեցնել քաղցկեղի առաջացման ռիսկը։
Ամատին կարծում է, որ քաղցկեղի կանխարգելման լավագույն սննդակարգը պետք է մեծապես բաղկացած լինի ծովամթերքից և բանջարեղենից: Կարմիր միսն ու թռչնամիսը պետք չէ բացառել, պետք է սահմանափակել, նշել է Ամատին:
Բժիշկը հայտնել է, որ քաղցկեղի կանխարգելման համար ամենօրյա սննդակարգը պետք է ներառի առնվազն երեք բաժին ամբողջական հացահատիկային մշակաբույսեր և հինգ կամ ավելի բաժին տարբեր մրգեր և բանջարեղեններ: Կարևոր է նաև պարբերաբար ուտել օմեգա-3-ով հարուստ սնունդ, այդ թվում՝ ճարպոտ ձուկ, կտավատի սերմ և ընկույզ:
Ամատին խորհուրդ է տվել նաև սննդակարգում ներառել լոբազգիներ, ինչպես նաև չափավոր քանակությամբ թռչնամիս և երբեմն կարմիր միս։
«Այս տեսականին նպաստում է հարուստ և բազմազան աղիքային միկրոբիոմի պահպանմանը, որը կարևոր դեր է խաղում իմունային պատասխանների կարգավորման գործում»,- բացատրել է Ամատին։ Միևնույն ժամանակ, մասնագետը նշել է, որ կարևոր է նվազագույնի հասցնել վերամշակված մսի և կիսաֆաբրիկատների քանակը սննդակարգում։
