Թրամփն ԱՄՆ-ին ոսկեդար խոստացավ
ԱՄՆ նախագահի հանրապետական թեկնածու Դոնալդ Թրամփը Ֆլորիդայում իր կողմնակիցների հետ հանդիպմանը հայտարարեց ընտրություններում իր հաղթանակի մասին և դիմեց ուղերձով։
«Ես ուզում եմ շնորհակալություն հայտնել ամերիկացի ժողովրդին։ Արտակարգ պատիվ է ընտրվել՝ որպես ձեր 47-րդ նախագահ և 45-րդ նախագահ»,- ասաց նա։
Քաղաքական գործչի խոսքով՝ իր հաջողությունը «քաղաքական հաղթանակ է, որը նախկինում չի եղել ԱՄՆ պատմության մեջ», և խոստացավ, որ իր նախագահական ժամկետը կլինի «իսկապես ոսկեդար ԱՄՆ-ի համար»։
Նա նաև հայտարարեց, որ հանրապետականները վերականգնել են վերահսկողությունը Սենատի նկատմամբ և կպահպանեն Ներկայացուցիչների պալատը։
Այսպիսով, կուսակցությունը կգլխավորի Կոնգրեսը։
Եթե Թրամփը կրկին ստանձնում է Սպիտակ տունը, դառնում է ԱՄՆ պատմության մեջ երկրորդ գործիչը, որը կղեկավարի ԱՄՆ-ը երկու ոչ անընդմեջ ժամկետներով։ Առաջին նման նախագահը 19-րդ դարի վերջին Գրովեր Քլիվլենդն էր։
Համաշխարհային առաջնորդներն արդեն սկսել են շնորհավորել Թրամփին հաղթանակի կապակցությամբ։
Նման հայտարարություններ սոցցանցերում տարածել են Ֆրանսիայի նախագահ Էմանուել Մակրոնը, Իսրայելի վարչապետ Բենիամին Նեթանյահուն, Սերբիայի նախագահ Ալեքսանդր Վուչիչը և Ավստրիայի կանցլեր Կարլ Նեհամերը։
Հիշեցնենք, որ FoxNews-ի տվյալներով՝ Թրամփի օգտին քվեարկել է՝ 277, իսկ Հարիսի օգտին` 226 ընտրիչ։
