«Միսս Տիեզերք 2024» մրցույթում Իրինա Զախարովայի փոխարեն Հայաստանը կներկայացնի Էմմա Ավանեսյանը
Էմմա Ավանեսյանը Հայաստանը կներկայացնի «Միսս Տիեզերք 2024» մրցույթում, որը տեղի կունենա այս տարվա նոյեմբերին` Մեքսիկայում։ Այս մասին հայտնում է Miss Universe Armenia-ը։
32-ամյա հայ մոդելը, որն ապրում է Մոսկվայում, դարձել է երրորդ վիցե-միսսը «Հայաստանի միսս Տիեզերք 2024» մրցույթում։ Նա 32 տարեկան է, ազգությամբ հայ է։
«Ես հպարտ եմ, որ ինձ հնարավորություն է ընձեռվել ներկայացնելու Հայաստանը Miss Universe համաշխարհային մրցույթում»,- գրել է Էմման։
Էմմա Ավանեսյանը փոխարինել է «Միսս Տիեզերք Արմենիա» ընտրված Իրինա Զախարովային, որը չի կարող երկիրը ներկայացնել քաղաքացիության հետ կապված խնդիրների պատճառով։
«Միսս Տիեզերք» մրցույթի կազմակերպիչները հայտարարություն էին տարածել, ըստ որի, «Միսս Տիեզերք Հայաստան» մրցույթում ընտրված ազգությամբ ռուս Իրինա Զախարովան չի կարող մասնակցել նոյեմբերի 16-ին Մեքսիկայում անցկացվելիք «Միսս Տիեզերք 2024»-ին։ Ըստ մրցույթի կանոնների, տիտղոսակիրը պետք է ունենա այն երկրի վավերական անձնագիրը, որը նա ներկայացնում է։
«Մենք կոչ ենք անում հայաստանյան մեր գործընկերներին օպերատիվ կերպով ընտրել նոր տիտղոսակրի՝ հաշվի առնելով, որ եզրափակիչ մրցույթի անցկացմանը մնացել է մեկ ամիսց էլ քիչ ժամանակ»,- նշված էր «Միսս Տիեզերք» մրցույթի կազմակերպիչները հայտարարության մեջ։
