Իսրայելը կրակ է բացել Լիբանանում ՄԱԿ-ի խաղաղապահների ուղղությամբ
Իսրայելի զինվորականներն օրերս հերթական անգամ կրակ են բացել Լիբանանի հարավում ՄԱԿ-ի ժամանակավոր ուժերի (UNIFIL) զինծառայողների ուղղությամբ, որոնք գտնվում էին Դհեյրա բնակավայրի մերձակայքում տեղակայված դիտակետում: Այս մասին հաղորդվում է UNIFIL-ի կողմից հոկտեմբերի 25-ին տարածված հայտարարության մեջ:
«Հոկտեմբերի 22-ին խաղաղապահները, որոնք հերթապահություն էին իրականացնում Դհեյրայի մերձակայքում տեղակայված դիտակետում, հետևում էին իսրայելցի զինվորականների կողմից մոտակայքում իրականացվող շենքերի ստուգման գործողություններին: Երբ ԻՊԲ զիվորները հասկացան, որ իրենց հետևում են, նրանք կրակ բացեցին դիտակետի ուղղությամբ:
Հերթապահ խաղաղապահները հետ են քաշվել դիրքերից», – ասվում է X սոցիալական հարթակում հրապարակված հայտարարության մեջ։
