Ադրբեջանը ցանկանում է հաշտության պայմանագիր կնքել ոչ թե Փաշինյանի, այլ Հայաստանի հետ. Ամիրբեկով

Գերմանական Berliner Zeitung հրատարակությանը տված հարցազրույցում Ադրբեջանի նախագահի հատուկ հանձնարարությունների գծով ներկայացուցիչ Էլչին Ամիրբեկովը պատասխանել է հրատապ հարցերին, որոնք վերաբերում են, ի թիվս այլ հարցերի, խաղաղ գործընթացին և Հայաստանի Հանրապետության հետ հարաբերությունների կարգավորմանը։

Լրագրողի այն հարցին, թե ինչպես է Բաքուն վերաբերվում Գերմանիայում Հայաստանի դեսպանի հայտարարությանը, թե Հայաստանը պատրաստ է խաղաղության պայմանագիր կնքել Ադրբեջանի հետ «հաջորդ երկուշաբթի», Ամիրբեկովն ասել է, որ «շատ կասկածում է այս հայտարարության անկեղծությանը»:

«Վաղը անավարտ, կիսատ համաձայնագիր ստորագրելու առաջարկը ոչ միայն իրատեսական ու անընդունելի է, այլեւ ապակողմնորոշիչ։ Կողմերը դեռ պետք է համաձայնեցնեն համաձայնագրի նախագծի մի քանի կարևոր դրույթներ, որոնք մնում են բաց, առանց որոնց փաստաթուղթը կլինի կոպիտ և թերի։

Խաղաղության հասնելու ճանապարհին գլխավոր խոչընդոտը հանդիսանում են Հայաստանի Հանրապետության դեռեւս առկա տարածքային պահանջները մեր երկրի միջազգայնորեն ճանաչված ինքնիշխան տարածքի նկատմամբ՝ արտացոլված ՀՀ սահմանադրությամբ։ Այս առանցքային հարցի անտեսումը հավասարազոր է սենյակում գտնվող փղին անտեսելուն: «Այս կերպ Հայաստանը ցանկանում է մոլորության մեջ գցել միջազգային հանրությանը, ստեղծելով թյուր տպավորություն, թե իբր կառուցողականորեն ներգրավված է խաղաղության գործընթացում, բայց իրականում ձգձգում է ժամանակն ու խաղաղ գործընթացը տանում դեպի փակուղի»,- ասել է Ալիևի ներկայացուցիչը։

Ակտիվորեն զինվող Ադրբեջանի ներկայացուցչի խոսքով, «ակնհայտ է, հենց որ ՀՀ-ն սկսեց անսահմանափակ քանակությամբ դիվանագիտական, տնտեսական և ռազմական օգնություն ստանալ Արևմուտքից, այդ թվում՝ Եվրամիությունից (ԵՄ), Միացյալ Նահանգներից և ԵՄ առանձին անդամ պետություններներից, անմիջապես կորցրեց բանակցություններին կառուցողականորեն մասնակցելու հետաքրքրությունը, և թվում է, որ Ադրբեջանի հետ խաղաղության հասնելն այլևս առաջնահերթություն չէ նրա համար»:

Լրագրողների այն հարցին, որ արդյունքի հասնելն արագացնելու համար կողմերը պայմանավորվել են բացառել այսպես կոչված «Զանգեզուրի միջանցքի» բացման հարցը խաղաղ համաձայնագրի շրջանակից, Ա.

և արդյոք հնարավո՞ր է նույն կերպ հետաձգել Հայաստանի Սահմանադրության փոփոխությունը մինչև խաղաղության համաձայնագրի ստորագրումից հետո, Ալիևի խոսնակն արձագանքեց, որ «բացարձակապես սխալ է զուգահեռ տանել այս երկու հարցերի միջև, քանի որ դրանք բոլորովին տարբեր են իրենց կարևորությամբ կայուն խաղաղության հասնելու համար»:

«Հայաստանի Հանրապետության տարածքային պահանջներն Ադրբեջանի Հանրապետության նկատմամբ եղել են հակամարտության հիմնական պատճառը հենց առաջին իսկ օրվանից, և տեւական ու անշրջելի խաղաղության հասնելու համար անհրաժեշտ է վերջնականապես արմատախիլ անել այն։ Իսկ դա անհնար է անել առանց Հայաստանի Սահմանադրության փոփոխության։ Եթե ​​այս երկրի հիմնական օրենքը մնա ներկայիս տեսքով, ապա խաղաղության պայմանագիրը կարճատև կլինի, քանի որ Հայաստանի Հանրապետության ցանկացած նոր ղեկավարություն, ընդդիմանալով Ադրբեջանի հետ խաղաղությանը, պարզապես կպախարակի այն՝ պատճառաբանելով ամենաբարձր իրավական ուժ ունեցող սահմանադրության հետ համաձայնագրի անհամապատասխանությունը։ Այսինքն՝ Ադրբեջանը ցանկանում է խաղաղություն կնքել ոչ թե վարչապետ Նիկոլ Փաշինյանի, այլ Հայաստանի հետ»,- ասել է Ամիրբեկովը։

Նրա խոսքով, դրա համար էլ Ադրբեջանը «չի կարող իրավական բացեր թողնել, որոնք ժամանակի ընթացքում կարող են հանգեցնել հակամարտության վերակենդանացման և նոր ողբերգությունների, և հետևաբար պետք է վերացնի հայ-ադրբեջանական երկարատև առճակատման բուն պատճառը»։

Ինչ վերաբերում է, այսպես կոչված, «Զանգեզուրի միջանցքին», «Ադրբեջանը դեռևս մեծ նշանակություն է տալիս դրա բացմանը, սակայն համաձայնվելով այն դուրս գալ խաղաղության պայմանագրի շրջանակներից՝ ելնում էր մեր չարակամներին ավելորդ պատճառ չտալու ցանկությունից՝ օգտագործել այս խնդրի չկարգավորումը ադրբեջանական կողմին քննադատելու համար, որ նա խաթարում է խաղաղ համաձայնագրի շուրջ բանակցությունների առաջընթացը», – ասել է Ամիրբեկովը։