ԱՄՆ-ում արհմիությունը նավահանգիստները կաթվածահար անել սպառնացող գործադուլ կանցկացնի
Ամերիկյան նավահանգիստների ավելի քան 25 հազար աշխատողների շահերը ներկայացնող Նավահանգիստային բեռնակիրների միջազգային ասոցիացիան որոշում է ընդունել ԱՄՆ-ի Ատլանտյան օվկիանոսի ամբողջ ափի երկայնքով նավամատույցների լայնածավալ գործադուլ սկսել, ինչը սպառնում է կաթվածահար անել մոտ 36 նավահանգիստների աշխատանքը:
Ըստ Reuters-ի՝ առաջիկա գործադուլն իր տեսակի մեջ ամերիկյան արևելյան ափին 1977 թվականից ի վեր առաջինն է լինելու։ Արհմիությունից նշում են, որ երկարափնյա աշխատողների գործատու USMX նավահանգստային օպերատորների ասոցիացիան «հրաժարվում է լուծել ավելի քան կես դար գոյություն ունեցող հարցը, մասնավորապես՝ նավահանգստի աշխատողների ցածր աշխատավարձի խնդիրը: Գործակալության աղբյուրը հայտնել է, որ արհմիության և գործատուների միջև երբևէ բանակցություններ չեն անցկացվել։
Reuters-ն ընդգծում է, որ գործադուլի հետևանքը կարող է լինել բազմաթիվ ապրանքների՝ սննդամթերքից մինչև մեքենաների, ԱՄՆ ներմուծման դադարեցումը։ Նշվում է, որ, ըստ որոշ տեղեկությունների, իրադարձությունների նման շրջադարձը ամերիկյան տնտեսությանը կարող է «օրական միլիարդավոր դոլարներ» արժենալ: Գործակալության տվյալներով՝ Սպիտակ տունը USMX-ին կոչ է արել արհմիության հետ «արագ և ազնվորեն արդար համաձայնության հասնել»։ ԱՄՆ նախագահ Ջո Բայդենն իր հերթին հայտարարել է, որ մտադիր չէ միջամտել և գործադուլը կանխելու համար որևէ բան չի ձեռնարկելու։
Financial Times-ը նշում, է, որ ամերիկյան JPMorgan բանկի վերլուծաբանների տվյալներով՝ գործադուլը վտանգում են այն նավահանգիստներին, որոնցով անցնում է ամերիկյան ներմուծվող ապրանքների մոտ կեսը, ներառյալ սննդամթերքը, դեղորայքը և կենցաղային տեխնիկան:
Ինչպես նշում է պարբերականը, այս իրավիճակում ԱՄՆ բիզնեսը և կառավարական իշխանությունները մտավախություն ունեն, որ նավահանգստի գործունեության դադարեցումը կարող է իր հերթին բեռնափոխադրումների, ինչպես նաև բուն ապրանքների գների բարձրացման հանգեցնել։ Արդյունքում, ԱՄՆ խոշոր մանրածախ առևտրականները տոնական սեզոնին ընդառաջարագացրել են ապրանքների ներմուծման գործընթացը և մատակարարման խափանումներից խուսափելու հույսով ԱՄՆ Խաղաղօվկիանոսյան ափին բեռնափոխադրողների համար տարածքներ են պահեստավորել:
