Քնի պակասը վտանգավոր հետևանքներ կարող է ունենալ
Քնի պակասը կարող է հանգեցնել օրգանիզմի պաշտպանիչ գործառույթների նվազմանը, Lenta.ru-ի հետ զրույցում զգուշացրել է սոմնոլոգ Միխայիլ Պոլուեկտովը։
«Քնելու հետ կապված խնդիրները հաճախ կապված են ուղեղի ակտիվացնող համակարգերի գերակտիվության հետ: Ամենից հաճախ դա տեղի է ունենում սթրեսի ֆոնին. սովորական ռեժիմի խախտումը հանգեցնում է ուղեղի այն հատվածի գրգռմանը, որը պատասխանատու է ակտիվացման համար, և դա կանխում է քնելը»,- բացատրել է բժիշկը։
Ըստ Պոլուեկտովի՝ քնի նման խանգարումները նվազեցնում են օրգանիզմի պաշտպանունակությունը, քանի որ քունն ինքնին վերականգնման ամենակարևոր միջոցներից է, այդ թվում՝ սթրեսից։ Քնի նորմալացումը, ինչպես բժիշկն է ասել, հաճախ հնարավոր է առանց մասնագետների դիմելու՝ հետևելով քուն-արթուն գրաֆիկին և պահպանելով համապատասխան ֆիզիկական ակտիվություն։
«Մեկ այլ խնդիր է գիշերը արթնանալը: Նախ, նման դեպքերում երբեք չպետք է նայեք ժամացույցին։ Երբ նայում եք ժամացույցին, ձեր ուղեղն ակտիվանում է, և ավելի դժվար է դառնում քնելը: Կարիք չկա նաև վեր կենալ. քունը ցիկլային է, դանդաղ և արագ քնի փուլերը տեղի են ունենում կես ժամվա ընթացքում։ Եվ եթե սպասեք նույն կես ժամին, ապա հուզմունքի գագաթնակետը կարող է անցնել, մարմինը ընկղմվի հանգիստ վիճակի մեջ, և ավելի հեշտ կլինի քնել»,- ըստ shantnews-ի՝ ասել է Պոլուեկտովը:
