Վրաստանն այս տարի արտաքսել է ռեկորդային թվով օտարերկրացիների
2025 թվականի սկզբից ի վեր Վրաստանից արտաքսվել է ավելի քան 1000 օտարերկրացի, հաղորդում է «Новости-Грузия»-ն՝ հղում անելով երկրի Ներքին գործերի նախարարությանը։
«Սա աննախադեպ բարձր ցուցանիշ է։ Այն զգալիորեն գերազանցում է վերջին երեք տարվա ընթացքում արտաքսված անձանց ընդհանուր թիվը»,- հայտարարել է երկրի ՆԳՆ-ն։
Արտաքսված անձանց արգելվել է մուտք գործել երկիր։ Համեմատության համար՝ անցյալ տարվա ընթացքում Վրաստանից արտաքսվել է 363 օտարերկրյա քաղաքացի։
