Վլադիկավկազ-Վերին Լարս հատվածը փակվել է բոլոր տրանսպորտային միջոցների համար. ՌԴ ԱԻՆ
Վրաստանի տարածքում սելավի առաջացման, ավտոտրանսպորտային միջոցների անվտանգ երթևեկությունն ապահովելու անհնարինության պատճառով փակվել է Վլադիկավկազ – Վերին Լարս հատվածը։ Այս մասին հայտնում է Ռուսաստանի արտակարգ իրավիճակների նախարարության գլխավոր վարչության ճգնաժամային կառավարման կենտրոնը։
«Ժամը 17.20-ից արգելվում է բոլոր ավտոտրանսպորտային միջոցների երթևեկությունը Վլադիկավկազ-Վերին Լարս հատվածում»,- ասված է հաղորդագրությունում։
Նշվում է, որ գրանցվում է գետերի մակարդակի զգալի բարձրացում, իսկ ճանապարհի հատվածներից մեկում սելավ է առաջացել։
Ըստ նախնական տեղեկությունների՝ սահմանը փակ կլինի մինչև վաղն առավոտյան։
