Ալիևը պետական այցով ժամանել է Պակիստան
Ադրբեջանի նախագահ Իլհամ Ալիևը պետական այցով ժամանել է Պակիստան: Ադրբեջանական աղբյուրների փոխանցմամբ՝ Իսլամաբադում նախատեսված է Պակիստանի վարչապետ Շահբազ Շարիֆի և Ալիևի երկկողմ բանակցությունը, որի ընթացքում երկու երկրների առաջնորդները մտադիր են քննարկել համագործակցության հետագա ամրապնդմանն ուղղված հարցեր։
Վերջին տարիներին Ադրբեջանն ու Պակիստանն ընդլայնել են երկկողմ համագործակցությունը, խորացրել կապերը ռազմական, տնտեսական և այլ ոլորտներում:
«Ազատությունը» հիշեցնում է, որ Ղարաբաղյան 44-օրյա պատերազմի ընթացքում, ըստ Հայաստանի իշխանությունների, ադրբեջանական կողմից ռազմական գործողություններում ներգրավված են եղել նաև Պակիստանի բանակի հատուկջոկատայինները։ Այդ մասին հայտարարել էր նաև Նիկոլ Փաշինյանը։
