Հատապտղային միքս՝ դեղձի հետ

Բաղադրիչները՝

• 1-1/2 բաժակ կարմիր հաղարջ
• 1-1/2 բաժակ ելակ
• 6 հատ դեղձ
• 1 բաժակ շաքարավազ
• 1 նարնջի կեղև ու հյութ
• 3 ճ/գ ջուր
• դարչինի մեկ փայտիկ

Պատրաստման եղանակը

Շաքարավազը խառնեք ջրի հետ, ավելացրեք նարնջի կեղևն ու դարչինի փայտիկը: Թույլ կրակի վրա շաքարաջուրը հասցրեք եռման աստիճանի, 3 րոպե եփեք, ապա հանեք կրակի վրայից:

Դեղձերը խոշոր կտորներով կտրատեք, լցրեք տաք շաքարաջրի մեջ, ավելացրեք հաղարջը, 2-3 րոպե տաքացրեք կրակի վրա մինչև փափկելը:

Դեղձն ու հատապտուղները ցանցով հանեք շաքարաջրից, խառնեք ելակի հետ, կափարիչով ծածկեք, թողեք հովանա:

Շաքարաջուրը կրկին եռացրեք 4-5 րոպե մինչև խտանալը: Ավելացրեք նարնջի հյութն ու հովացրեք:

Մրգերն ու հատապտուղները լցրեք ափսեի մեջ, վրան լցրեք օշարակն ու մատուցեք սերուցքի հետ: