Ինչպես է գարեջուր խմելն ազդում ոսկորների առողջության վրա
Գարեջրի հաճախակի օգտագործումը կարող է մեծացնել գիրության, շաքարախտի, հիպերտոնիայի և ոսկորների կոտրվածքների վտանգը: Այս մասին ասել է գաստրոէնտերոլոգ Եվգենի Բելոուսովը։
«Գարեջրի երկարաժամկետ, կանոնավոր օգտագործումը կարող է հանգեցնել նաև երիկամների հետ կապված խնդիրների, օստեոպորոզի, սոցիալական խնդիրների և հոգեկան առողջության հետ կապված խնդիրների»,- ըստ shantnews-ի՝ ասել է Բելոուսովը:
Ցանկացած ալկոհոլային խմիչքի երկարատև չարաշահումը կապված է բերանի խոռոչի, կոկորդի, կերակրափողի, կրծքագեղձի և լյարդի քաղցկեղի զարգացման վտանգի հետ:
Բժիշկն ընդգծել է գարեջրի բացասական ազդեցությունը լյարդի՝ ալկոհոլը մշակող հիմնական օրգանի վրա։ Ոչ միայն ալկոհոլը, այլև գարեջրի այլ բաղադրիչները կարող են մեծացնել հեպատիտի, լյարդի ճարպային հիվանդության և ցիռոզի վտանգը։
Ալկոհոլը նաև ճնշում է կենտրոնական նյարդային համակարգը և կարող է նվազեցնել ռեակցիայի արագությունը, առաջացնել քնի խանգարումներ և խախտել շարժումների կոորդինացիան:
