Իտալիայի խորհրդարանում ծեծկռտուքի պատճառով 11 պատգամավորների գործունեությունը ժամանակավորապես կասեցվել է
Իտալիայի խորհրդարանի 11 պատգամավորի ժամանակավորապես հեռացրել են աշխատանքից նիստերի դահլիճում տեղի ունեցած ծեծկռտուքի համար։ Այս մասին հաղորդում է իտալական il Giornale պարբերականը։
Պատգամավորների աշխատանքի կասեցումը կտևի 2-ից մինչև 15 օր։
Ծեծկռտուքը տեղի է ունեցել տարբեր կուսակցությունների պատգամավորների միջև՝ ինքնավարության վերաբերյալ օրինագծի քննարկման ժամանակ, երբ ընդդիմությունը բողոք է հայտնել իշխող մեծամասնությանը։
Արդյունքում «Շարժում» կուսակցության պատգամավորին բուժօգնություն է ցուցաբերվել։
