ԱԳՆ-ն ցանկանում է դեսպանությունների համար նոր շենքեր ձեռք բերել Փարիզում ու Թեհրանում
ԱԳՆ-ն ցանկանում է դեսպանությունների համար նոր շենքեր ձեռք բերել Փարիզում ու Թեհրանում, այդ մասին ասել է ԱԳ նախարարի տեղակալ Պարույր Հովհաննիսյանը՝ ԱԺ-ում «ՀՀ 2023 թվականի պետական բյուջեի կատարման մասին» տարեկան հաշվետվության քննարկման ժամանակ։
Նա նշել է, որ այդ ուղղությամբ աշխատանքներ են տարվում։
«Անցած տարի դրա օրինակն էր Միացյալ Թագավորությունում մեր դեսպանության նոր շենքը։ Իսկապես պայմանները խղճուկ էին և ոչ միայն աշխատելու, այլև որևէ հանդիպում անցկացնելու համար պիտանի չէր։ Այս տարի արդեն Ուրուգվայում բացեցինք նոր շենքը՝ հաշվի առնելով համայնքի գործոն և այդ երկրի հետ բարեկամական կապերը։ Նույն ձևով աշխատանքներ ենք տանում թե Փարիզի, թե Թեհրանի, թե այլ ուղղություններով»,- ասել է Հովհաննիսյանը։
