Փաշինյանի կողմից ձեզ ջանասիրաբար ներկայացվող ադրբեջանական տեղանունների իմաստը նա է, որ շիրմայից այն կողմ իրական մոտիվը չերևա. Վլադիմիր Մարտիրոսյան
Վլադիմիր Մարտիրոսյանը գրում է. «Ձեզ ասեցին, որ Ադրբեջանին չորս գյուղ են հետ տալիս և դուք սկսեցիք չորս գյուղի կռիվ տալ, «պայքարել», որ չտա: Մինչ այդ շուրջ 20 օր ասում ենք, որ չորս գյուղի հարց չէ, այլ Փաշինյանի կողմից ձեզ ջանասիրաբար ներկայացվող ադրբեջանական տեղանունների իմաստը նա է, որ շիրմայից այն կողմ իրական մոտիվը չերևա, այն է ՀՀ հյուսիսարևելյան պաշտպանական գծի լուծարումը: Ադրբեջանը նույնիսկ այդ ջանասիրությամբ չի խոսում այն գյուղերի մասին, որոնք իբր իրենցն էին, այլ պայմանական դրանք կոչում է չորս գյուղ:
Դուք 20 օր գազի խողովակի, արոտավայրի ու ճանապարհի, տան ու եկեղեցու «կռիվ» տվեցիք, ոչ թե այդ ամենի անվտանգութունը ապահովող ՀՀ հյուսիսարևելյան պաշտպանական գծի ու Երրորդ բանակային կորպուսի: Նա տեսնում էր, թե ձեր կռիվը ինչպես է գնում դեպի նյութականացում ու շահ, լոկալիզացրեց խնդիրը տավուշցու մակարդակով և վերջում էլի տվեց էդ նյութականի ու շահի պատասխանը, թե բա «50 մետր էն կողմ ադրբեջանցու հետ առևտուր կանեք, ուրախացեք դրանից» պատմեց ճանապարհը չտալու իր զգացողության մասին և գցեց:
P.S. Դուք վեց տարի է պայքարում եք, ոչ իմանալով նշանակետը, ոչ էլ իրական հանունը: Հիմա գոռալը թե «տվեց տվեց տվեց» շատ նման է երեսպաշտության»:
