Սամվելին մեղադրանք առաջադրեցին թշնամանք հրահրելու հոդվածով. սրանով կալանքի կարող են տանել. Մելիքյան
«ՔՊ»-ական Հակոբ Ասլանյանին «հակահայ վիժվածք» անվանելու համար ձերբակալված Սամվել Վարդանյանի մեղադրանքը լրացվել է։
Փաստաբան Ռուբեն Մելիքյանը լրագրողների հետ զրույցում հայտնեց, որ քրեական վարույթը նախաձեռնված է եղել խուլիգանության հոդվածի 1-ին մասով, մեղադրանքը լրացվել է նաև Արմեն Գրիգորյանի և Նարեկ Մալյանի հոդվածով՝ քաղաքական հիմքով թշնամանք, անհանդուրժողականություն հրահրելու հոդվածով։
«Այն հոդվածով, որով կարծում եմ՝ Հայաստանի քաղաքացիների բավական մեծ մասի ցանկացած պահի այդ մեղադրանքն առաջադրվի․ ողջույն Հայաստանի ժողովրդավարությանը ծափահարողներին։ Հոդվածը 1-4 տարի ժամկետով ազատազրկում նախատեսող հոդված է»,- նշեց Մելիքյանը։
