«էս հարցը Կազանում Սերժ Սարգսյանի կողմից վերջնականապես փակվեց. հիմա եկել է՝ պառլամենտում իրեն մեջտեղից պոռթում ու զուգահեռ իրականության հեքիաթներ է մատուցում». Հովասափյան

Արմեն Հովասափյանը ֆեյսբուքյան իր էջում գրում է. «Վերջին շրջանում բազմիցս տարբեր իրավիճակներում բոլորս համոզվել ենք (թերևս, շատերդ կհամաձայնեք), որ այն հարցերը, որոնք Ալիևն ինքն իրենով չի կարողանում լուծել, և որոշակի խնդիրներ ու դիմադրություն է նկատում, հարթեցնում ու լուծում է Նիկոլի միջոցով։ Բաց տեքստով «պասերով» խաղում են, առանց ավելորդ ձևականությունների՝ ադրբեջանական կողմից հնչած ցանկացած թեզ ու պնդում միանգամից Նիկոլի կողմից հստակ դասավորվում է, ու համապատասխան փաթեթավորմաբ տիրաժավորվում հանրության շրջանում։ Ավելին, դրանք ներկայացվում են ու անցկացնում «հալած յուղի» պես:

Ամենացցուն օրինակը երեկ ԱԺ-ում հնչեցրած «Արցախում ծնված ադրբեջանցի կնոջ ու հայ կնոջ» դեպքն էր։ Նայեք՝ ինչ ա դուրս տալիս․ ասում ա՝ «եթե էդ կինը հղի ա եղել ԼՂ-ում ու հետո ուրիշ տեղ երեխա ա ունեցել, նշանակում ա, էդ երեխան էլ ա ղարաբաղցի ու պտի մասնակցեր հանրաքվեին»։

Պոպուլիզմի ճղճիմագույն մաստեր-կլաս․ սա էն թեզն ա, որ Ալիևը կերազեր, որ հայաստանյան միջավայրում խոսեն, չեմ ասում պետական մակարդակով հայտարարեն, այլ ուղղակի խոսեն, բայց Նիկոլը Ալիևից ավելի Ալիևի է, ու ոչ միայն խոսում ա դրա մասին, այլ որպես բացարձակ ճշմարտություն մատուցում։ Էն աստիճանի լղոզված է թեման խուրդում, որ շարքային հայի համար դա ոչ մի կերպ ընկալելի չի, թե իրականում ինչ պետք է տեղի ունենար Արցախում հնարավոր հանրաքվեի դեպքում․ փաստացի ամբողջ բազարը գնում էր նրա շուրջ, որ հստակ թիվ կար ֆիքսված հանրաքվեին մասնակացելու համամասնության հետ կապված՝ 68-22 հարաբերակցությամբ, ու սրա մասին շեշտվել է բազմաթիվ անգամներ (68% հայեր, 22% ադրբեջանցի):

Ի դեպ՝ էս հարցը Կազանում Սերժ Սարգսյանի կողմից վերջնականապես փակվեց։ Հիմա եկել է՝ պառլամենտում իրեն մեջտեղից պոռթում ու զուգահեռ իրականության հեքիաթներ է մատուցում, որը, ցավոք սրտի, հանրություն կոչվածի մոտ էլի աշխատելու է։

Վերջում մի կարևոր դիտարկում․ երեկ իր «բենեֆիսի» ժամանակ, որ արագ-արագ խոսում էր, մի միտք ասեց․ «Էն տարածքները, որոնք պատկանում են ադրբեջանական կողմին, պետք է վերահսկվեն Ադրբեջանի կողմից, էն տարածքները, որոնք հայկական են, պետք է վերահսկի Ադրբեջանը, ըըըը Հայաստանը, վայ խառնեցի․․․»։