Բորելը ժամանել է Կիև
Եվրամիության արտաքին քաղաքական ծառայության ղեկավար Ժոզեպ Բորելը ժամանել է Կիև։ Այս մասին հայտնել է Ուկրաինայի Գերագույն ռադայի պատգամավոր Ալեքսեյ Գոնչարենկոն։
«ԵՄ արտագքին գործերի բարձր ներկայացուցիչ Ժոզեպ Բորելը ժամանել է Կիև։ Ես հնարավորություն ունեցա նրա հետ զրուցելու գնացքում։ Նա Ուկրաինայի իսկական ընկերն է», – գրել է նա իր Telegram ալիքում։
Բորելը Կիև է մեկնել Վարշավայից։ Լեհաստանում նա երկրի արտգործնախարարի և պաշտպանության նախարարի հետ քննարկել է Ուկրաինային ԵՄ-ի կողմից տրամադրվող օգնությունը, այդ թվում՝ ռազմական, ֆինանսական, վերակառուցման հետ կապված։ Հանդիպումներից հետո մամուլի ասուլիսում Բորելը հայտնել է, որ Ռուսաստանի դեմ պատրաստվող պատժամիջոցների 13-րդ փաթեթի շրջանակներում համայնքը սահմանափակող միջոցներ կմտցնի տարբեր երկրներում գտնվող ընկերությունների դեմ, որոնք, ԵՄ-ի կարծիքով, մասնակցում են Մոսկվայի դեմ պատժամիջոցների շրջանցմանը։
