Վարունգով ու պանրային միջուկով ռուլետներ
Բաղադրիչները՝
- ֆետտա պանիր- 100 գ
- թարմ վարունգ- 1 հատ
- չերրի լոլիկ- 9-10 հատ
- քաղցր բուլղարական պղպեղ- 1/2
- կանաչ զեյթուն- 10 հատ
- կիտրոնի հյութ- 1 թ.գ.
- աղ, աղացած սև պղպեղ, կանաչի
Պատրաստման եղանակը
Զեյթունը, բուլղարական պղպեղն ու լոլիկների կեսը մանր կտրատեք:
Ավելացրեք կիտրոնի հյութը, աղն ու աղացած պղպեղը: 5-7 րոպե առանց յուղի թավայի մեջ տապակեք: Թողեք հովանա:
Ֆետա պանիրը պատառաքաղով տրորեք, ավելացրեք տապակած բանջարեղենին:
Բանջարեղեն կլպելու համար նախատեսված դանակով վարունգներից երկար-բարակ շերտեր ստացեք:
Միջուկը տեղադրեք վարունգի շերտի ծայրին, ռուլետի նման փաթաթեք: Վարունգի պոչիկը պետք է վերևից լինի, որպեսզի ատամի չոփիկով կարողանաք ամրացնել: Չերրի լոլիկները կիսեք, տեղադրեք ռուլետի վրա ու ատամի չոփիկով ամրացրեք: Մատուցեք:
