Խանում
Բաղադրիչներ՝
Խմորի համար
- ձու- 1 հատ
- ջուր- 80 մլ
- բուսական յուղ- 1-2 ճ.գ.
- ալյուր- 2-3 բաժակ
Միջուկի համար
- խոզի միս- 500 գ
- գազար- 1-2 հատ
- սոխ- 1-2 հատ
- աղ
- աղացած սև պղպեղ
- բուսական յուղ՝ տապակելու համար- 2-3 ճ.գ.
- համեմունքներ (դափնու տերև, հատիկավոր սև պղպեղ)՝ ըստ ճաշակի
Պատրաստման եղանակը
Խոզի յուղոտ միս ընտրեք: Խոշոր աղացեք:
Պատրաստեք խմորը: 2 բաժակ ալյուրը լցրեք խորը պնակի մեջ, ձուն ջարդեք վրան, ավելացրեք աղն ու ջուրը: Խմոր հունցեք՝ ընթացքում ավելացնելով 1-2 գդալ բուսական յուղը՝ խմորին առաձգականություն տալու համար:
Խմորը ծածկեք ու 30 րոպե թողեք մնա:
Սոխն ու գազարը միջին չափի կտորներով կտրատեք, բուսական յուղի մեջ մի փոքր աղի հետ տապակեք:
Խմորը հնարավորինս բարակ բացեք:
Վրան լցրեք խոզի միսը, տարածեք խմորի վրա, աղ արեք:
Գազարն ու սոխը լցրեք խոզի մսի վրա, ամբողջ մակերեսով տարածեք: Աղ ու պղպեղ արեք:
Խմորը ռուլետի նման փաթաթեք, ծայրերն ամրացրեք: Շոգեփի ցանցի վրա քսեք բանջարեղենը տապակելուց հետո մնացած յուղը: Ռուլետը տեղադրեք մեջը: Շոգեփի ջրի մեջ մի քանի դափնու տերև ու հատիկավոր սև պղպեղ ավելացրեք: Սարքը 45 րոպեով միացրեք:
Պատրաստի խանումը զարդարեք կանաչիով ու մատուցեք:
