Դուք, ու մենք, բոլորիս պիտի հասկանանք, որ մենք ոչ միայն պիտի դարձի գանք ու ապաշխարենք, այլ հատկապես պայքարենց մեղքի դեմ. Արմեն Հարեյան

Քրիստոս հարյավ ի մեռելոց: Հետո՞

Երկու օր առաջ մեր ազգի միջից ահագին մարդիկ իրար շնորհավորեցին և ուրախացան թէ Քրիստոս հարյավ ի մեռելոց: Լավ արեցիք, ես էլ ուրախացա ձեզ հետ: Ու դեռ քառասուն օր մինչև Համբարձում պիտի ասենք Քրիստոս հարյավ ի մեռելոց: Էտ ամեն ինչը շատ լավ ա: Հետո՞…

Հիմա ձեզ ինչ որ պիտի ասեմ, այնքան կարևոր է, որ խնդրում եմ, օգնեք դա հասցնել ձեր ընկերներին: Եթե դուք հասկանում էք այս ամենը, խնդրում եմ գրեք ձեր էջերին ու կիսեք մարդկանց հետ:

Ուրեմն երբ որ կարդաք Աստավածաշունչն ու նայեք թէ Աստված ինչպես էր վարվում Իսրայելացիների հետ նրանց մեղքերի համար, կտեսնեք, որ Աստված նույպես վարվում է մեզ՝ հայերիս հետ մեր մեղքերի համար: Առավել ևս, եթե ձեր աչքերն ու միտքը մի քիչ էլ վեր բարձրացնեք, ապա կտեսնեք, որ Աստված նույնպես վարվում է մյուս ազգերի հետ, իրենց մեղքերի համար:

Հիմա ասում էք Քրիստոս հարյավ ի մեռելոց ու լավ էք անում: Բայց իմացեք, որ բավական չէ, միայն «հավատալ» Աստծուն, «հավատալ» Հիսուսին որպես Տեր և Փրկիչ, այլ հրամայական է, ու պահանջ է, որ մենք կատարենք Նրա կամքը, որովհետև եթե չկատարենք Նրա կամքը, մենք ոչ մի բաժին չենք ունենա Իր մեջ, ոչ էլ ինքը կլինի մեր մեջ, ոչ էլ ինքը կլինի մեր պաշտպանը: Սատանան նույնպես հավատում է Հիսուսին որպես Աստծո Որդի, ու Աստվածաշունչը բոլորցս էլ ավելի լավ գիտի, բայց դա ոչ մի օգուտ չի տալիս Սատանային, քանի որ նա հրաժարվում է կատարել Աստծո կամքը: Հետևաբար, մենք պետք է սովորենք Աստծո կամքը և կատարենք այն: Դու կարող էք հույսդ դնել Աստծո վրա, միայն այն դեպքում, եթե դու գիտես Աստծո կամքը և կատարում ես այն, եթե դու հնազանդվում ես Աստծո կամքին, եթե դու ոտքդ դուրս չես դնում քո սեփական կամքը կատարելու համար, այլ քո կամքը հնազանդեցնում ես Տեր Հիսուս Քրիստոսի կամքին:

Ուրեմն դուք, ու մենք, բոլորիս պիտի հասկանանք, որ մենք ոչ միայն պիտի դարձի գանք ու ապաշխարենք, այլ հատկապես պայքարենց մեղքի դեմ: Մեղից հրաժարվելը հեշտ բան չի: Դու տարիների ընթացքում քեզ վարժեցրել ես չար սովորությունների, ու դրանից հրաժարվելը ուժեղ ներքին պայքար է պահանջում: Եթե ձեռքդ վարժվել է կաշառքի, դու չես կարող դրանից մի օրում հրաժարվել: Եթե ձեռքդ վարժվել է թեկուզ-մանր գողության, դու չես կարող դա մի օրում կտրել, եթե լեզուդ վարժված է հայհոյելու, անիծելու, ամբախ-զամբախ խոսելու, դու չես կարող այդ ամենը մի օրում կտրել: Դու պիտի ապաշխարության կյանքով ու քրտնաջան պայքարով փոխես քեզ, ու Աստված օգնում է եթե դու կանչում ես իր օգնությունը: Առանց Քրիստոսի դու չես կարող քո մեղքերից ազատվել:

Քրիստոս հարյավ ի մեռելոց: Հետո՞… Ուրեմ այլևս ոչ մի ցանկասիրություն, այլևս ոչ խաբել, ոչ ստել, ոչ գողություն, ոչ նախանձ, ոչ էլ ագահություն: Ուրեմն այլևս ոչ մի աբորտ, մի սպանեք ձեր չծնված երեխաներին, այլևս փող մի երկրպագեք ու ամեն ինչ փողով մի չափեք: Քրիստոս հարյավ ի մեռելոց: Այլևս անտարբեր մի եղեք ուրիշների ձախորդություների ու տառապանքի նկատմամբ, այլ կարեկցեք մարդկանց: Մենք պետք է սիրենք մեր մերձավորին: Եթե դու չես սիրում քո հարևանին, ուրեմն Քրիստոսը դեռ հարություն չի առել քեզ համար, հարություն չի առել քո սրտի մեջ:

Ուրիշ բան: Դուք հեչ մտածել է՞ք թէ մահմեդական երկրներն ինչու են այսպես բարգավաճ, ու թէ ինչպես է որ Աստված օրհնում է իրենց, թէև նրանց դեռ չեն հավատում Քրիստոսին որպես Տիրոջ: Դուք գիտե՞ք որ նրանց մեծամասնությունը օրը 5 անգամ գործ ու բիզնես փակում են ու օրը 5 անգամ 20 րոպե աղոթք են անում: Դա նշանակում է, օրեկան ժամ ու կես աղոթել ու խոսել Աստծո հետ: Ձեզանից քանի՞սն է այդպես անում: Նրանցից շատերը նույնիսկ չեն խմում ու անում են ամեն ինչ, որ հեռու մնան մեղքից և հենց դրա համար Աստված պատվում է իրենց և նրանց հողերը: Այս մահմեդականները իրենց ճանաչած Աստծուն ամեն ինչից վեր են դասում: Իրենցից վեր են դասում, իրենց ընտանիքներից վեր են դասում, իրենց երկրից վեր են դասու և մենք տեսնում ենք թէ ինչ թասիբով են պաշտպանում իրենց հավատքը երբ որ որևէ մի թափթփուք հանդգնում է հեգնել իրենց սրբություններին: Արդյո՞ք մենք որպես քրիստոնյաներ անու՞մ ենք այս ամենը: Պատասխանը դուք մտածեք:

Մեզանից ամեն մեկը պետք է հենց այս պահին մտածի այս բաների մասին ու հրաժարվի գոնե մի չար բանից: Ես ինչքան նայում եմ Աստվածաշնչին ու պատմությանը, իմ կարճ խելքով տեսնում են, որ այս օրերին Աստուծո ձեռքը մեր դեմ է: Ու այդ ձեռքը 100 տոկոսով արդար է: Մենք մեր գործերի արդար հատուցումն ենք ստանում: Բայց իմացե՛ք, եթե մենք ներում խնդրենք և տղամարդավարի վճիռ կայացնենք, որ այլևս չենք ուզում մեղք գործել, և պատվենք Քրիստոս Աստծուն, Նա կների մեզ, կբուժի մեր երկիրը և մեր ժողովրդին: Եվ Նա նորից կօրհնի մեզ: Այ էն ժամանակ, Քրիստոս Հարյավ ի Մեռելոց:

Եթե դուք հասկանում էք այս ամենը, որտեղ էլ որ կարդաք կամ լսեք, խնդրում եմ, տարածեք մարդկանց: Կիսեք ձեր ընկերների հետ, ու գրեք այս բաների մասին: Դուք էլ խոսեք այս բաների մասին, որպեսզի այս տեսակի խոսակցություններն ու քննարկումները մեր ազգում դառնան հանրային խոսակցություններ: Արդյունքում ավելի շատ մարդիկ կլսեն աջից ու ձախից և մի գուցե ավելի շատ մարդիկ դառնան Քրիստոսին, հնազանդվեն Քրիստոսին, հրաժարվեն չարությունից, բարիանան, սիրով լցվեն Աստծո և մարդկանց նկատմամբ, ու բոլորիս վրա գա մեծ փոփոխություն, շնորհ և օրհնություն:

Արմեն Հարեյան