Իշխանությունը կաշին փրկելու համար պատրաստ է գնալ ամեն ինչի. Արեգնազ Մանուկյան
«Երկրում պայթունավտանգ իրավիճակ է: Մթնոլորտն այնքան լարված է, իշխանություններն այնքան են պառակտել հասարակությանը, մարդկանց տրամադրել միմյանց դեմ, որ, օրինակ, այն, ինչ տեղի է ունենում Ազգային ժողովում, պարզապես խայտառակություն է»,- «Կանայք հանուն հանրային համերաշխության» քննարկման ժամանակ ասաց ԱԺ «Հայաստան» խմբակցության պատգամավոր Արեգնազ Մանուկյանը:
Նա նշեց. «Իշխանությունները, կոնկրետ Նիկոլ Փաշինյանը շատ լավ գիտի, թե ինչ է բերել Հայաստանի գլխին և ինչ է շարունակելու բերել, հետևաբար՝ վախենում է: Վախենում է, որ կարող է պատասխանատվության ենթարկվել, և անձնական կաշվի փրկության նպատակով Հայաստանը հանել է աճուրդի: Մեր թշնամիներին ոգևորում է իշխանությունների վարքագիծը, որովհետև զիջում են ամեն ինչ, գլուխները կախ ասում են՝ ամեն ինչին համաձայն ենք, և ի՞նչ են ընդամենը ստանում դրա դիմաց՝ անձնական անվտանգության երաշխիքներ»:
