«Երևանի ավտոբուս» ՓԲԸ-ն նոր տնօրեն ունի
«Երևանի ավտոբուս» ՓԲԸ-ի տնօրեն է նշանակվել Հովհաննես Մանուկյանը։ Այս մասին այսօր՝ ապրիլի 3-ին, Երևանի քաղաքապետարանի գործակարգավարական նիստի ժամանակ ասաց փոխքաղաքապետ Տիգրան Ավինյանը։
«Հուսով եմ՝ այն դժվարին խնդիրը, որը ձեր առջև դրված է, մոտակա ամիսներին Դուք կկարողանաք լուծել»,- ասաց Ավինյանը։
Հիշեցնենք, որ «Երևանի ավտոբուս» ՓԲԸ տնօրեն Էլբակ Թարփոշյանը պաշտոնից ազատվել է Երևանի քաղաքապետի մարտի 17-ի որոշմամբ։
