Երբ ոչ մի բանը հանդիպում է մարդուն, կամ ինչպես է Փաշինյանը «խրախուսում» հայրենադարձությունը և ներդրումների հոսքը․ Քրիստինե Վարդանյան
ԱԺ «Հայաստան» խմբակցության պատգամավոր Քրիստինե Վարդանյանը ֆեյսբուքյան իր էջում գրել է․ «Երբ ոչ մի բանը հանդիպում է մարդուն, կամ ինչպես է Փաշինյանը «խրախուսում» հայրենադարձությունը և ներդրումների հոսքը։
Այսօր Ալեն Սիմոնյանը թքել է սփյուռքահայ Կարեն Մկրտիչյանի դեմքին։ Կարեն Մկրտիչյանը Ցեղասպանության զոհ դարձած հայ ընտանիքի զավակ է, լիբանանահայ վաստակաշատ ուսուցչուհու որդի, որ մեծացել է Լիբանանում ու 22 տարի ապրել է Կանադայում։
Սովորել է Մոնրեալի Կոնկորդիայի և ՄակԳիլի համալսարաններում։
Տորոնտոյում աշխատել է որպես խոշոր օդատիեզերական մեքենաշինության ընկերության գործադիր տնօրեն, ներդրումային ընեկերության Տորոնտոյի գրասենյակի փոխտնօրեն, դրանից ավելի վաղ աշխատել է կանադական խոշորագույն ներդրումային բանկերից մեկում։
Ու չնայած արտերկրում միանգամայն ապահովված և բարեկեցիկ կյանքին՝ 2015 թ․ կնոջ ու չորս զավակների հետ վերադարձել է հայրենիք՝ այստեղ ապրելու և արարելու համար։
Արդեն հայրենիքում Կարենը իրականացրել է ներդրումային ծրագրեր, հիմնել բիզնեսներ, ստեղծել աշխատատեղեր, խրախուսել երիտասարդներին ստեղծել իրենց սեփական բիզնեսը։
Հիմա կարդացեք Ալեն Սիմոնյանի կենսագրությունը ու տեսեք այնտեղ ինչ կա ակվարիումի վիդեոներից և Նիկոլ Փաշինայնի ԱԺ խոսնակ լինելուց զատ։
Հենց այսպես են ներկա թավշյաները իրականում վերաբերվում հայրենադարձներին, հայրենիքը շենացնել ցանկացողներին, ընդհանրապես հայերին»։
