Խանում ուզբեկական
Բաղադրիչներ
Աղացած տավարի յուղոտ միս- 1 կգ
Կարտոֆիլ- 5 հատ
Սոխ- 4 հատ
Ալյուր- 1 կգ
Աղ և համեմունքներ
Բուսական յուղ կամ հալած կարագ։
Պատրաստման եղանակը
Խմորը պատրաստելու համար անհրաժեշտ է 250 մլ ջրի մեջ աղ լցնել, 1 թ/գ բուսայուղ և ալյուր։ Խմորը հունցել և 30 րոպե դնել սառնարանում։
Կարտոֆիլը կտրատեք շատ փոքր խորանարդիկների կամ անցկացրեք քերիչով: Սոխը կտրատել լուսնաձև, աղ ու համեմունքներ անել։ Աղացած միսը աղով և նախընտրելի համեմունքներով խառնել։
Խմորը հանեք սառնարանից և հնարավորինս բարակ գրտնակեք։ Վրան բուսական յուղ կամ հալած կարագ քսեք։
Խմորի վրա բարակ շերտով աղացած միսը լցնել, խմորի եզրից թողնելով 3-4 սմ, այնուհետև կարտոֆիլն ու սոխը լցրեք։
Դրանից հետո պետք է լցոնած խմորը երկարավուն փաթաթել՝ ռուլետի նման։ Ծայրերը սեղմեք, որպեսզի խյուսը չթափվի և եփելիս հյութը մնա խմորի ներսում։
«Խանումը» պետք է եփել շոգեկաթսայում, հակառալ դեպքում ստիպված կլինեք օգտագործել սովորական ջրով լցված կաթսա, որի մեջ մետաղյա ցանց պետք է դնել: Այդ դեպքում պատրաստի ռուլետը պետք է դնել ջուրը եռալուց հետո, ու եփել փակ կափարիչով։ Պատրաստման համար կպահանջվի 20-ից 40 րոպե՝ կախված ռուլետի հաստությունից և միջուկից։
Այն կարող եք մատուցել թթվասերով կամ ցանկացած այլ սոուսով։
