Ուզբեկստանում ազգային սոցցանցի ստեղծման մրցույթ է հայտարարվել

Ուզբեկստանի ինովացիոն զարգացման նախարարությունը հայտարարել է միջազգային մակարդակի ազգային սոցիալական ցանց ստեղծելու մրցույթ: Մրցույթի մասնակիցները մեկ տարի կունենան նախագծի ստեղծման համար:

Մրցույթին մասնակցելու հայտերը կընդունվեն մինչեւ հոկտեմբերի 1-ը: Այդ մասին հաղորդել է գերատեսչության մամուլի ծառայությունը:

Ուզբեկստանում արդեն փորձեր արվել են սեփական սոցիալական ցանց կամ մեսենջեր ստեղծելու համար: Հաղորդվել է ազգային 38 սոցցանցերի գոյության մասին, սակայն դրանք այդպես էլ մասսայական չդարձան:

Դրա հետ մեկտեղ երկրում տարածված են Facebook-ը, «ՎԿոնտակտե»-ն, «Օդնոկլասնիկ»-ը, Telegram մեսենջերը, հաղորդել է «Ինտերֆաքս»-ը:

Տեսանյութեր

Լրահոս